Maldiv orollari parlamenti seshanba kuni favqulodda holat muddatini 30 kunga uzaytirishni ma'qulladi.
Bir kun avval prezident Abdulla Yamin milliy xavfsizlikka tahdid kamaymagani va konstitutsiyaviy inqiroz bartaraf etilmaganini aytib, muddatni uzaytirishni talab qilgan.
Yig‘ilishni boykot qilgan muxolifat konstitutsiyaga zid bo‘lganligi sababli bu ma’qullash noqonuniy ekanligini ta’kidladi, deya xabar beradi Reuters.
Yamin 5 fevral kuni 15 kunlik favqulodda holat joriy qildi.
Bu harakat Oliy sudning to‘qqiz muxolifat yetakchisiga nisbatan hukmlarni bekor qilgan va uning hukumatiga qamoqda saqlanayotganlarni ozod qilishni buyurgan qarorini bekor qilishga qaratilgan edi.
Favqulodda vaziyat seshanba kuni tugashi kerak edi.